سٹیزن پروٹیکشن رولز 2020 پر مشاورت کیلئے کمیٹی تشکیل

اسلام آباد( سنسنی  خیز تازہ ترین۔  29فروری2020ء )سٹیزن پروٹیکشن رولز 2020 پر مشاورت شروع کرنے کے لئے ایک کمیٹی تشکیل دی گئی ہے۔کمیٹی وسیع البنیاد مشاورت دو ماہ میں مکمل کریگی۔

کمیٹی میں وزیر انسانی حقوق ڈاکٹر شیریں مزاری اور بیرسٹر علی ظفر بھی شامل ہوں گے۔ چیئرمین پی ٹی اے امیر عظیم باجوہ ، وزارت آئی ٹی و ٹیلی کام کے ایڈیشنل سیکریٹری اعزاز اسلم ڈار ، اسٹریٹجک ریفارمز یونٹ کی ممبر تانیا ایدریس اور ڈیجیٹل میڈیا پر وزیر اعظم کے فوکل پرسن ڈاکٹر۔ ارسلان خالد کو بھی کمیٹی کا حصہ بنایا جائے گا۔

قوانین کے نئے سیٹ کے مطابق یوٹیوب ، فیس بک ، ٹویٹر ، اور ٹِک ٹوک جیسی کمپنیوں کو رجسٹریشن اور تین ماہ کے اندر اسلام آباد میں دفتر قائم کرنے کا پابندبنایا جائیگا۔

اس طرح کے سوشل میڈیا پلیٹ فارمز اور کمپنیوں کو ایک سال میں پاکستان میں ایک فوکل پرسن مقرر کرنے ملک میں ڈیٹا سرور بنانے کا پابندکیاگیا ہے۔ 

نئے قواعد میں کہا گیا ہے کہ کسی بھی آن لائن مواد کی اجازت ، اتھارٹی یا نیشنل کوآرڈینیٹر کے ذریعہ قانون ، قواعد ، ضابطہ یا ہدایات کے تحت کسی بھی پالیسی یا کسی دوسرے آلات پر فوقیت رکھے گی۔